MATA SA KAHILOM
sa kapintas sa dulon ug tingga
way bituon way bulan
wa nay kalibotan
mga perlas nanglugmaw
ug mga lit-ag nanggimaw
sa luspad ug lag-it
nga bung-awng gihangga
kansang kamingaw
way day-ong makahubit
maunlod man o matunaw
ang panumdoman
sa halawom nga lim-aw
nga mosanta sa tuaw
ug mopug-ok sa singgit
sa gihasol nga makasasala
niining tun-as nga tanaman
dili ug dili na mapukaw
ang luno nga manulonda
No comments:
Post a Comment