a batallas de amor campo de pluma
LUIS DE GÓNGORA Y ARGOTE
I have spread my dreams under my feet;
Tread softly because you tread on my dreams.
WILLIAM BUTLER YEATS
ANG DAMGO
Usa ka langgam giihaw ibabaw sa panas.
Puting mga balahibo nagpasad. Nagkadugo.
Way kasikas nga mabati. Talisalop ang adlaw.
MGA PANGUTANA UG MGA TUBAG
Kinsa? Wala-hiilhing mga tawo, ug usa ka langgam.
Unsa? Pagpatay.
Giunsa? Giabis ang tutonlan.
Diin? Sa panas.
Kanus-a? Usa ka hapon.
Ngano? Wala na higugmaa.
ANG BALAK
Nagpili kog dagang
Gikan sa mga balhibong nagpasad
Sa tiilan sa panas
Diin usa ka hapon niana
Ilang giluba ang langgam
Nga wala na higugmaa.
[detalye gikan sa kwadro ni Jan Baptist Weenix]
5 comments:
sir bandillo,
dugay nakong nagsunod aning imong mga balak gani gihimuan ko kini ug kutay didto sa akong gamayng payag. mga maanindot kining imong balak dinhi. nasayod kong wala na imo kinahanglana ang akong pagdayeg kay aduna kanay sinako niini nga imong gidayan dinhi ning imong palasyo apan bisan pa muingon ako sa walay pupanuko nakaangay ako ning imong mga balak dinhi. maayo nalang ug makat-on ko sama nimo. apan kinahanglan ko pa tingale ang pila ka bakid nga bugas haron maabot ang imong nahimutangan. apan bisan pa giidulo ko ikaw sa natad sa pamalak.Amen
hi hazelen,
tawga lang kog butch.
salamat kaayo sa imong komentaryo.
wa koy ideya kon pila nay imong panuigon, ug unsa na kadugay kang naikag kabahin sa pamalak. ang ako lang ikasulti mao nga hinaot unta nga magpabilin ang imong gugma sa paggambalay og mga pulong sa tibuok nimong kinabuhi.
kay dili mahitabo nga mahudtan kag angayng isulat. sa gamayng luna gikan sa kalibotan paingon sa imong kasingkasing nagdasok ang nga mga balak, nagpangidlap, dili maihap sama sa mga bituon.
butch
Ang Kapuol
Naabot ang kapuol--
ang pagka wala'y uminto
gadagan nga daw sa kawang
mga naabog nga paglaom
Dili matikang mga tiil
sa ang-ang sa panumduman
hinagiban sa nahimutangan
niining tiilan sa himaya
sir butch, amu n. gtake up imu balak sa amua Cebuano Literature class
salamat, mary rose. bibo ba ang inyong discussion? :)
Post a Comment